My Last 11 Months

Bangalore har IT se jude bandhe ka sapna. Hum 13 log bhi apne sapne lekar aaye is sehar mein. 1^st day, company ke gate ke bahar khade hoke sabhi khush ho rahe the ki hum un khushkismat logo mein se hein jinhe is recession mein bhi company ne interunship di. Company ka campus dekh kar sabhi bahut excited ho gaye the ki WOW kya campus hein ek dum Botanical Garden. Mere mann mein toh yahin baat chal rahi thi ki yeh jagah toh bani hi isiliye hein ki tu yahan kaam kare kyunki agar tu yahan nahi hoti toh aur kahin bhi nahi ho sakti thi. Phir kuch din baad aaya weekend , Life mein pehli baar Weekend manaya tha Late tak sona, shopping, movie. WOW pehli baar pata chala ki hamari life mein yeh weekend kitna important hein. Phir toh har week is weekend ka hi intezar rehta. By-God Khane mein Mithai ki tarah hota hein yeh weekend the Best part in Meal.

Phir din gujarte gaye aur hum log badalte gaye, Proffessionals ki tarah behave karne lage. Perfect Time-Table life. Subah 9:30 – 5:30, 6:30, 7:30, 8:30 haan yeh time aise hi badta chala gaya aur hum apne schedules mein piche , Bas ghadi ki do suyion mein phas kar reh gaye.

In sab ke bich acha tha toh dosto ke sath kuch pal bitana, Telgu movies dekhna , South Indian Movies ke actor ki nakal karna. Auto walo se tuti phuti kannada bolna har sentence ke piche ‘madi’ lagana. Aur har sentence me ‘Maa’ aur ‘Da’ laga dena, sabke B’day celebrate karna 1 nahi 2-3 cake katna aur baad mein party lekar ussi ko chuna lagana. Apni Friend ki Secret shadi mein uski shopping karwana, Raat ke 11.30 baje baju ki shop se ice-cream lakar usse terrace pe jakar khana, subah ke 5 baje tak dosto se gappe ladana aur unme sabse jyada ladko ki buriyan karna, back to back movies dekhakar apna hi record todna, Office mein sabke dressing sense pe comment karna aur ek bhi achi shakal ka nahi hein iska dukh manana.

Apne manager ki burai karna aur duniya mein jitni galiyan apko aati ho sab ussi ke naam kar dena, office mein chal rahe Love affairs ki gossip karna, har weekend 50Rs. ki ticket lekar movie dekhana, jaise log mandir mein matha tekne jate hein hum log har weekend Brigade, Commercial aur Mg jate. Different poses dekar photographs lena jaise ki agle fashion week mein hume hi modeling karna ho.Ek dusre ki tang khichna aur phir ghanto unhi baton pe haste rehna. Pata hi nahi chala aur Bangalore mein 11 months gujar gaye.

Yunhi gujre hanste- khilkhilate who pal ,

Jo yaad aatey hein har ghadi har pehar.